OʻZBEKISTONDA KIMYO SANOATINING RIVOJLANISHI

Bugungi kunda jahon iqtisodiyoti rivojini kimyo sanoatisiz tasavvur qilib boʻlmaydi. Sababi soʻnggi yillarda u jadal sur‘atlarda taraqqiy etib sanoat tarmoqlariga xom-ashyo, turli materiallar va buyumlar etkazib beruvchi muhim tizimga aylandi. Kimyo sanoatida tabiiy resurslarni tejash, ulardan samarali foydalanish imkoniyatlari kengayib borayotganligi buning isbotidir. Mamalakatimizda kimyo sanoati istiqboliga qaratilayotgan alohida e‘tibor Tufayli kimyo sanoati yildan-yilga rivojlanib, jahon bozoridagi mavqei mustahkamlanib bormoqda.Mustaqillik yillarida ishlab chiqarish diversifikatsiya qilinib, zamonaviy quvvatlar foydalanishga topshirilayotgani yutuqlarning bosh omilidir. Jumladan,Qoʻngʻirot soda zavodi va Dehqonobod kaliy oʻgʻitlari zavodining foydalanishga topshirilishi kimyo sanoati tarixida butunlay yangi davrni boshlab berdi. Mazkurikki yirik korxona Oʻzbekiston iqtisodiyotining yuksak qudrati, bunyodkor halqimiz yuqori salohiyatining amaldagi in‘ikosi sifatida nafaqat kimyo sanoati,balki xududlar ijtimoiy, sotsial-iqtisodiy hayotida tobora muhim ahamiyat kasb etmoqda.