O‘ZBEK TILI AMALIY SAN’ATI LEKSIKASI SHAKLLANISHIDA SHEVALAR O'RNI

Monografiyada oʻzbek tili amaliy san’at leksikasining shakllanishida Xorazm shevalarining oʻrni tahlil qilindi. Ushbu masala tilshunosligimizning mustaqillik davrida erishgan yutuqlariga tayanilgan holda, lingvistikadagi zamonaviy qarashlar asosida yoritilgan. Xususan, davrlar osha oʻz bagʻrida nodir durdonalarni saqlab kelayotgan, adabiy tilning boyish manbasi boʻlgan amaliy san’at leksikasi lingvistik jihatdan ilmiy asosda tadqiq qilinib, adabiy tilga munosabati belgilab berilgan. Monografiya tilshunoslar, tadqiqotchilar, talabalar, shuningdek, xalqimizning ma’naviy qadriyatlariga qiziqish va ehtirom bilan qaraydigan keng kitobxonlar ommasiga moʻljallangan.