ҚХР-НЫҢ ОРТАЛЫҚ АЗИЯДАҒЫ ЖАРИЯЛЫЛЫҚ ДИПЛОМАТИЯСЫ

Бүгінгі күні Қытай әлемдегі алдыңғы қатарлы мемлекет. Оның қарқынды дамып келе жатқан экономикасы мен саясаты Қытайдың халықаралық аренадағы орнын бекітті және де ықпалын арттырды. Қытайдың әлемдік саясат пен экономикадағы рөлі, сондай-ақ елдің халықаралық қатынастар жүйесінде келісімдер мен белгілі жағдайларға әсер ету қабілеті әлемдегі саясаткерлер мен сарапшылардың қызығушылығын тудырды. Қытай өзінің сыртқы саяси мақсатында бір нәтижеге қол жеткізу үшін ұлттық мүддесін қорғауда, ұлттық қауіпсіздігін қамтамасыз етуде тиімді құрал ретінде «жариялылық дипломатияны» қолданады. Осыған байланысты ҚХР сыртқы саясатында «жариялылық дипломатияға» ерекше мән беріп отыр.