NAVOIYSHUNOSLIK

Ushbu qo‘llanma navoiyshunoslik fanidan Filologiya fakulteti 2-bosqich bakalavr yo‘nalishidagi talabalariga mo‘ljallangan. Mazkur qo‘llanmada “Navoiyshunoslik” fanining 1-moduli ma’ruza mashg‘ulotlari o‘z ifodasini topgan. Unda Alisher Navoiy hayoti va ijodi hamda dostonlari (“Xamsa” va “Lison ut-tayr”)ni sharhlab o‘rganish tajribalari, qonuniyatlari va ahamiyati kabi masalalar aks etgan. O‘zbekiston Respublikasi Prezidentining 2020-yil 19-oktabrdagi PQ-4865-son “Buyuk shoir va mutafakkir Alisher Navoiy tavalludining 580 yilligini keng nishonlash to‘g‘risida”gi qarorlarida aks etganidek, o‘zbek tili va adabiyoti qadimiy va boy tarixga ega bo‘lib, uning yuksalishida buyuk shoir va mutafakkir Alisher Navoiyning umumbashariyat madaniy xazinasidan munosib o‘rin olgan o‘lmas asarlari hal qiluvchi ahamiyatga ega. Shu ma’noda ushbu fan va uslubiy qo‘llanmaning maqsadi – Alisher Navoiyning boy adabiy merosini talabalarga ta’lim berish orqali ularni yuksak ma’naviyatli va keng ma’rifat sohibi etib tarbiyalash, Navoiy asarlarini talqin qilish malakasini hosil qilish orqali yoshlarda sog‘lom va tanqidiy tafakkur tarzini shakllantirish, o‘zbek adabiyoti tarixining eng muhim davri haqida…