УЗЛУКСИЗ ТАЪЛИМДА БОШҚАРУВ ЖАРАЁНИНИ МОДЕЛЛАШТИРИШ АСОСЛАРИ

Ушбу дарслик Республикада таълим тизимини модернизация қилиниши, уни таркибий жиҳатдан қайта қуриш, таълим, фан, техника ва технологияларнинг замонавий ютуқларини ҳисобга олган ҳолда, таълим муассасалари бошқарувини такомиллаштиришга бағишланган бўлиб, узлуксиз таълим тизимини ривожлантириш ва унинг бошқарувини янги модел асосида амалга ошириш масалаларига эътибор қаратилган. Узлуксиз таълимнинг таркибий қисмлари ва бўғинлари орасида узвийликни таъминлаш муҳимлиги инобатга олиниб, узлуксиз таълим тизими компонентлари орасида уни таъминлашга хизмат қиладиган бошқарувни ташкил қилиш моделини ишлаб чиқиш ва бунда асосий эътиборни узлуксиз таълим тизимининг муҳим бўғини бўлган умумий ўрта махсус, касб-хунар ва олий таълим тизимларини бошқариш имкониятларини ўрганиш асосида таълим муассасалари бошқарув моделини яратишда Ўзбекистон Республикасининг ўзига хос географик, ижтимоий-иқтисодий хусусиятлари ҳисобга олиниши ёритиб берилган.