UISTON CHERCHIL BRITANIYA SIYOSATINING OTASI

Dunyoda bir qator siyosat kishilari mavjudki, ular faqat siyosatchi sifatida ommaga tanilgan, ammo ushbu kitobda siyosat olamida o’zidan muhim “imzo” qoldirgan tarixchi, betakror yozuvchi, journalist, rassom va ko’plab urushlarda matonat ko’rsatgan jangchi Sir Uiston Leonard Spenser Cherchil haqida to’xtalib o’tishni lozim topdik. Uiston Cherchil 1875 – 1964- yillarda yashab, faoliyat yuritgan yozuvchi va ayni damda siyosat arbobi edi. Asli ingliz va amerikalik bo’lgan Cherchil Britaniyaninmg Oksfordshir shahrida boy aristokratlar oilasida tug'ilgan. U 1895-yilda Britaniya armiyasi tarkibiga qo'shiladi va Britaniyaning mustamlakasi bo’lgan Hindistonda, Angliya-Sudan urushi va ikkinchi Ingliz – bur urushlarida qatnashadi, urush muxbiri sifatida shuhrat qozonadi va o'zining janglardagi hayoti haqida ko’plab kitoblar yozadi. 1900- yilda Britaniya parlamentiga Konservativ deputat sifatida saylangan, 1904-yilda esa Liberallar tarafiga o'tdi va bu jarayon 1924- yilga qadar davom etadi. H.H. Asquitning Liberal hukumatida Cherchill Britaniya Tijorat vazirligining prezidenti va Ichki ishlar vaziri bo'lib ishlagan, qamoqxonalarni isloh qilish va ishchilar farovonligini himoya qilgan.