ҚОРАҚАЛПОҚ ХАЛҚ ЭРТАКЛАРИНИНГ ЖАНР ХУСУСИЯТЛАРИ ВА ПОЭТИКАСИ

Қорақалпоқ фольклоршунослигида сеҳрли эртакларнинг ўзига хос жанр хусусиятларини ва поэтикасини ўрганиш долзарб саналади. Шунингдек, қорақалпоқ эртакларининг тўпланиш, нашр қилиниш ва ўрганилиш тарихига назар, қорақалпоқ халқ сеҳрли эртакларининг назарий асосларини белгилаш, ўзига хос жанр хусусиятларини аниқлаш, тузилиши, таркибий – инициал – медиал – финал қисмларини белгилаш, ундаги мотив ва сюжетларнинг ўзига хос хусусиятлари ва ўхшаш томонларини кўрсатиш, сеҳрли образлар, буюмларнинг, нарсаларнинг фунционал хусусиятини белгилаш, магик куч ва таъсирларнинг ифодаланишини ўрганиш, эртаклар таъсирчанлигини оширишда эртакчиларнинг сўздан, бадиий тасвир воситаларидан фойдаланиш қобилияти, роли ва аҳамиятини кўрсатиш, бу асарлардаги бадиий тасвир воситаларидан троплар, эпитет, метафора, синекдоха, ўхшатиш, гипербола, литота ва бошқаларининг қўлланилиш даражасини аниқлаш масалалари таҳлил қилинди. Қорақалпоқ халқ сеҳрли эртакларини, жанр хусусиятлари ва поэтикасини ўрганиш фольклоршуносларнинг олдида турган вазифалардан.Монографияда қорақалпоқ халқ эртакларининг, жумладан сеҳрли эртакларнинг ўзига хос жанр хусусиятлари ва поэтикаси масаласи ўрин олган.