ЎРТА АСР МУСУЛМОНЛАР ГНОСЕОЛОГИК ВА ТЕОЛОГИК ҚАРАШЛАРИНИ ЎРГАНИШ

Жаҳонда ўрта аср мусулмон шарқидаги диний-фалсафий таълимотлар инсоният цивилизациялари тарихида ўзига хос гносеологик ва теологик моҳияти билан замонавий билимларнинг назарий асослари сифатида эътироф этилмоқда. Ўрта аср ислом уламолари, мутафаккирлари қарашлари негизидаги инсонпарварлик, ҳақиқатсеварлик, дунёни билиш, маънавий-руҳий тарбия, диний, дунёвий билимлар уйғунлигини таъминлаш, ақлий ва ахлоқий етукликка эришиш ҳақидаги ғоялари замонавий,маърифатли, барқарор жамиятбарпо этишда муҳим аҳамият касб этади. Айниқса, глобаллашув жараёнлари сабабли ижтимоий-сиёсий ўзгаришларкескин тус олаётган ҳозирги даврда ўсиб келаётган ёш авлодни ҳар томонлама интеллектуал салоҳиятли, маънавий етук қилиб тарбиялаш, турли ғайриинсоний ғоялар таъсиридан асрашда аждодларимизнинг инсонпарвар мақсадларга йўналтирилган гносеологик, теологик қарашлари орқали ечим топиш зарурати бугунги кунда ўзининг илмий-назарий аҳамиятини сақлаб қолмоқда.