Shtegtimi i shqipes në Europë

Libri “Shtegtimi i Shqipes në Europë”, është një hulumtim empirik lidhur me njohjen aktuale të letërsisë dhe gjuhës shqipe në Europë, si dhe lidhjet ndërmjet kulturave ballkanike, europiane, bazuar në kontekstin albanologjik, filologjik, antropologjik, e deri diku historik. Libri u realizua nga njëzet e tetë intervista të përkthyesve letrarë dhe albanologëve nga njëzet shtete të Europës. Hulumtimi dhe intervistat, ofrojnë të dhëna të vlefshme që na bënë të kuptojmë shumë më tepër, se gjuha dhe letërsia shqipe sot mësohet, zhvillohet, lexohet dhe pëlqehet nga lexuesi i huaj, thuajse paralel me gjuhët dhe letërsitë e vendeve të tjera europiane. Po ashtu, kuptojmë se letërsia shqipe, sikur edhe gjuha është e unifikuar dhe pranohet si një e tërë, por ndërkaq ato janë zhvilluar në disa qendra kulturore, për shkaqe politike që kërkojnë studime të thella analitike.