Ўрта аср мусулмон Шарқида гносеологик ва теологик таьлимотлар

Жаҳонда ўрта аср мусулмон шарқидаги диний-фалсафий таълимотлар инсоният цивилизациялари тарихида ўзига хос гносеологик ва теологик моҳияти билан замонавий билимларнинг назарий асослари сифатида эътироф этилмоқда. Ўрта аср ислом уламолари, мутафаккирлари қарашлари негизидаги инсонпарварлик, ҳақиқатсеварлик, дунёни билиш, маънавий-руҳий тарбия, диний, дунёвий билимлар уйғунлигини таъминлаш, ақлий ва ахлоқий етукликка эришиш ҳақидаги ғоялари замонавий,маърифатли, барқарор жамият барпо этишда муҳим аҳамият касб этади. Ўрта аср Шарқ илмий-маърифий муҳитида нақлий ва ғайришуурий билимларнинг ўрнига бирдек, тенг эътибор қаратилади. Шунинг учун ҳам уларнинг ғоя ва таълимотларида Оллоҳ ўз пайғамбарларини бу масалаларда ҳақ сўзни етказиш мақсадида юборган, деган ғоя устуворлик қилади ва бу қараш билан ғарб эпистемологиясидан ислом эпистемологияси фарқ қилади. Ушбу монографияда ўрта аср ислом гносеологияси ва теологиясида ақл, илм, амал сифатлари ва имкониятлари талқини ва Шарқ алломаларининг гносеологик ва теологик қарашларининг қиёсий индукцияси тадқиқ этилган.