JISMONIY MADANIYAТ NAZARIYASI VA USLUBIYAТI

Ustozi avval Arastu hakim «Hitoba» («Ritorika») kitobida yozadiki, ajoyib jismoniy fazilatlarga ega bo`lgan yigitlar - sog`lom, bo`ydor, sport musobaqalarida chiqqan yoshlar har qanday davlatning boyligidir. Bunday jismoniy fazilatlarga qanday erishiladi? Albatta, oila, maktab muhitida tarbiya topish, ayni vaqtda o`z-o`zini tarbiyalash, jismoniy tarbiya bilan aqliy tarbiyani axloqiy tarbiyaga muvofiqlashtirish yo`li bilan barkamol insonlarni voyaga etkazish mumkin. Sir emaski, umr bo`yi faqat jismoniy mehnat qilib, birorta kitob o`qimagan, dono, fozil odamlarning suhbatidan bahra olmagan, bilagi baquvvat, lekin aqli nohis, madaniyatdan uzoq, ma’naviy qashshoq odamlar ham bor. Va aksincha, faqat aqliy mehnat bilan shug`ullanib, umrida tesha ushlamagan, ketmon chopmagan, aqalli birorta mih qoqmagan yoki birorta ko`chat ekmagan odamlar ham borki, bu jismoniy mehnat qilmagani uchun, doimo kasallikdan boshi chiqmay yuradigan. Qadimiyat donishmandlari barcha sohalarda qizg`in faoliyat ko`rsatib, har tomonlama kamol topganlar.