Rekonstruktsiya qilinuvchi

Ushbu monografiyada rekonstruktsiya qilinuvchi va kapital ta’mirlanuvchi bino-inshootlarning ekspluatatsiya ishonchliligi asoslari, foydalanish davrida ularning asosiy yuk ko‘taruvchi konstruktsiyalarida vujudga keluvchi nuqsonlar, binolarning asosiy konstruktsiyalarini kuchaytirishning mavjud usullariga bag‘ishlangan tadqiqotlar bo‘yicha bajarilgan tahlil natijalari bayon etilgan. Monografiyada bino-inshootlarni rekonstruktsiya qilish va kapital ta’mirlashda bajariladigan texnik tekshirish ishlarida qo‘llaniluvchi metodlar va vositalar haqidagi asosiy ma’lumotlar ham keltirilgan.Monografiyaning asosiy qismi bino-inshootlarning ekspluatatsiya ishonchliligini tadqiq etishga bag‘ishlangan bo‘lib, bunda loyihaviy, yoki hisobiy ishonchlilik, haqiqiy, yoki faktik ishonchlilik, ekspluatatsiya davridagi o‘zgaruvchan ishonchlilik va xizmat muddati oxiridagi qoldiq ishonchlilik tushunchalari haqida batafsil to‘xtalib o‘tilgan. Shuningdek, qurilish konstruktsiyalarini kuchaytirishning yangi, samarador usullari ham natijalari bayon etilgan.