МАЙИЗБОП УЗУМ НАВЛАРИНИНГ

Монографияда майизбоп (гермиён) узум навларининг агробиологик, технологик хусусиятларини баҳолаш ва қуритиш технологияларини такомиллаштириш бўйича дунёда ҳамда мамлакатда амалга оширилган ишларни ёритиб берилган. Шунингдек илмий адабиётларни таҳлили ҳамда муаллифларнинг кўп йиллик илмий изланишлари натижалари умумлаштирилган ҳолда берилган. Монографияда Ўзбекистонда илк бор узумнинг майизбоп (гермиён) навларининг агробиологик хусусиятлари тавсифланган, ғужумининг механик ва биокимёвий таркиби аниқланган, йирик ғужумли навларининг технологик – майизбоплик (гермиён) кўрсаткичлари баҳоланган, сифатли майиз (гермиён) олиш учун узум ғужумига ишқорли табиий экстракт – маҳаллий Salsola arbuscula Pall. ўсимлиги қайнатмаси билан ишлов бериш технологияси ишлаб чиқилган, узумнинг майизбоп навларини қора плёнкали усти ёпиқ қурилмаларда қуритишнинг афзаллиги аниқланган, қуёш батареяли қуритиш қурилмасида қуритишнинг самарали усули ишлаб чиқилган.