Zamonaviy o`zbek she’riyatda suv bilan bog`liq

Istiqlol yillarida Yurtboshimizning tarixiy xotirani tiklashga qaratilgan da’vati xalq donishmandligi xazinasini o’rganishga e’tiborni yanada kuchaytirdi. Chunki xalqimizning eng qadimiy ma’naviy an’analarini o’zida mujassam etgan bu qadriyatlar boy ijodiy salohiyatga ega ajdodlarimizning ko’p asrlik turmush tarzini, madaniyatini, e’tiqodiy qarashlarini o’ziga singdirib, mukammal tizim sifatida shakllangan. Shu silsilada suv bilan bog`liq marosimlar va tushunchalarning ham o’z o’rni bor. Ular xalqimizning mifologik tasavvur-tushunchalari, suvga aloqador e’tiqodiy qarashlari, qadimgi turmush tarzi, o’tmish madaniyati haqida o’ziga xos badiiy shaklda ma’lumot bera olishi jihatidan qimmatlidir. Ushbu monografiyada suvga aloqador mifologik tasavvur-tushunchalar tahlilga tortilgan.