Kompozit Armaturali To‘sinlarni Hisoblash Va Konstruksiyalash

Jahonda zamonaviy qurilish amaliyotining jadal rivojlanishi bilan bino va inshootlarning temirbeton konstruksiyalarida kompozit materiallardan foydalanish salmog`i tobora ortib bormoqda. Shu jihatdan, qurilish konstruksiyalarini loyihalash va ishlab chiqarish sanoatining ustuvor vazifalaridan biri hisoblangan, egiluvchi temirbeton konstruksiyalarda po`lat armaturalariga muqobil bo`lgan mahalliy xom-ashyolardan foydalanib, kompozit armaturalarni ishlab chiqish, qo`llash, mustahkamligini oshirish, ishlab chiqarish texnologiyalarini moderinizasiya qilish, tannarxini arzonlashtirish hamda ularning keng ko`lamda qo`llanilishini ta’minlashga katta e’tibor qaratilmoqda.Qurilish amaliyotida kompozit polimer armaturalardan foydalanib, armaturalarning beton bilan tishlashishi, olovbardoshligi va elastiklik modulini oshirish yo`nalishilarida tadqiqotlar olib borish va egiluvchi konstruksiyalarni mustahkamligini, bikrligini, yoriqbardoshlik xossalarini yaxshilash masalalari dolzarb vazifalardan biri bo`lib qolmoqda.