MAKTABGACHA YOSHDAGI BOLALAR OVQATLANISHINI GIGIYENIK BAHOLASH

Mazkur monografiya maktabgacha yoshdagi bolalarning ovqatlanishini gigiyenik baholash va uning oziqlanish holatiga ta’sirini chuqur o‘rganishga bag‘ishlangan. Tadqiqot davomida bolalar ovqatlanishining nazariy asoslari, xalqaro va milliy standartlarga asoslangan gigiyenik talablar, shuningdek, maktabgacha yoshdagi bolalar ovqatlanishining amaldagi holati va uning samaradorligi tahlil qilingan.Tadqiqotning asosiy maqsadi – maktabgacha yoshdagi bolalar uchun ratsional ovqatlanishni tashkil qilishda gigiyenik tamoyillarni aniqlash va oziqlanish holatining ularning sog‘lig‘i va rivojlanishiga ko‘rsatadigan ta’sirini o‘rganishdir. Ushbu maqsadga erishish uchun maktabgacha ta’lim muassasalarida ovqatlanishni boshqarish tizimlari, ratsionning biologik xavfsizligi, ovqatlanish rejimini tashkil qilish usullari o‘rganilgan.