Ayrim badiiy asarlar tilining lingvopoetik xususiyatlari tahlili

Dunyo tilshunosligida milliy taraqqiyot hisoblangan til, xususan, badiiy asar tili va u bilan bog‘liq til sathi birliklarining o‘ziga xos vazifalarini tavsiflash masalasi o‘tgan asrning ikkinchi yarmidan boshlab muhim ahamiyat kasb etib kelmoqda. Keyingi yillarda o‘zbek tilshunosligida lingvopoetika yo‘nalishi bo‘yicha tadqiqotlarning takomillashuvi, badiiy asarlar tilini har tomonlama tadqiq qilish masalasini yuzaga keltirdi. Bugungi kunda ma’naviyatimizning muhim sarchashmasi bo‘lgan ona tilimizga hukumatimiz tomonidan jiddiy e’tibor berilmoqda. Milliy tilimizni tadqiq qilishga keng imkoniyatlar yaratilmoqda. Bu nafaqat yozuvchilar uchun, balki kitobxon uchun ham bu sohada ma’lum tushunchaga ega bo‘lish, imkon darajada sohaga oid leksikalarni mukammal o‘rganishni taqozo etadi.