Yangi O'zbekistonda kambag'allikni qisqartirish yo'llari

Kambag‘allikning oldini olish uchun albatta eng avvalo davlat (mamlakat) moddiy jihatdan qudratli bo‘lmog‘i darkor. Davlat moliyaviy jihatdan qudratli bo‘lsa tadbirkorlikni qo‘llab-quvvatlashi oson bo‘ladi. Tadbirkorlik subyektlarining ko‘payishi ish o‘rinlari ko‘payishiga xizmat qiladi. Ish o‘rinlari ko‘payishi esa tabiiyki ishsizlik darajasi pasayishiga olib keladi. Ishsizlik kamayishi esa fuqarolarning ishlab o‘z ehtiyojlarini qondirishiga xizmat qiladi. Bugungi holatda jahonda turli moliyaviy-iqtisodiy va siyosiy inqirozlarning kuchayishi, turli savdo urushlarining avj olishi natijasida dunyo mamlakatlari o`rtasida ijtimoiy-iqtisodiy aloqalar cheklanadi Jahondagi bu kabi salbiy o`zgarishlar mamlakatlar ijtimoiy-iqtisodiy taraqqiyotiga salbiy ta`sir qiladi, aholining tinch va osuda hayotiga xavf soladi.