Qurilish Sanoati Korxonalarida Raqobatbardoshlikni Oshirish

Mazkur monografiyada Oʻzbekiston Respublikasi qurilish sanoati korxonalarida raqobatbardoshlikni oshirish modellari va uning sifat va samaradorligini oshirish boʻyicha olib borilgan ilmiy tadqiqotlar natijalari jamlangan. Tadqiqotlar Samarqand viloyatidagi qurilish obyektlaridan olingan materiallar asosida olib borildi, xulosalar umumlashtirildi va respublikaning boshqa hududlarida sinovdan oʻtkazildi. Monografiyada qurilish sanoati korxonalarida raqobatbardoshlikni oshirishda sifatni kafolatlash mexanizmini takomillashtirish va qurilish kompleksi korxonalariga xalqaro sifat standartlari tamoyillarini joriy etish boʻyicha amaliy tavsiyalar berilgan. Monografiya qurilish sanoati korxonalarining raqobatbardoshligi va sifatini oshirish muammolari bilan shugʻullanuvchi magistrantlar, doktorantlar va tadqiqotchilar, shuningdek, qurilish tashkilotlari rahbarlari uchun moʻljallangan. Muallif tadqiqot oʻtkazishda amaliy yordam koʻrsatgan loyiha-qidiruv va qurilish sohasi mutaxassislariga oʻz minnatdorchiligini bildiradi.